Gweithio Gyda Ni

Ein Siarter Tîm:

• Ein bod yn parchu ein gilydd, ein cydweithwyr a phawb rydym ni’n gwneud busnes gyda nhw.
• Rydym yn ymddiried, yn annog ac yn cefnogi ein gilydd.
• Rydym yn gosod targedau clir ac yn cyflawni canlyniadau.
• Rydym yn aros yn gadarnhaol.
• Rydym yn cymryd amser i gyfathrebu
• Rydym yn gwrando ar farn eraill
• Rydym yn agored ac yn onest gyda’n gilydd

“Person Cynnal a Chadw & Gyrrwr”

Rydym yn chwilio am berson cynnal a chadw dibynadwy, sydd hefyd yn yrrwr, i ymuno â’n tîm. Bydd y rôl yn cefnogi’r gwaith o gynnal a chadw eiddo sydd â thenantiaid ynddo ac eiddo gwag, gan gynnwys amrywiaeth o waith cynnal a chadw cyffredinol.

Swydd ran-amser dros dro yw hon, gan weithio 20 awr yr wythnos, o ddydd Llun i ddydd Gwener. Bydd rhwng 8yb a 12yp yn oriau sylfaenol, gydag oriau ychwanegol yn ôl yr angen.

Bydd dyletswyddau gyrru achlysurol hefyd, gan gynnwys gyda’r nos ac ar benwythnosau yn ôl yr angen.

Mae angen Gwiriad DBS Uwch.

Prif Gyfrifoldebau:

• Cyflawni gwaith cynnal a chadw ac atgyweirio cyffredinol, trydanol a phlymio ar draws ein heiddo preswyl a masnachol
• Cynnal archwiliadau rheolaidd a gwaith cynnal a chadw ataliol
• Cynnal a chadw ardaloedd allanol, gan gynnwys gerddi, llwybrau a thir
• Cysylltu â chontractwyr allanol pan fo angen
• Sicrhau cydymffurfiaeth â rheoliadau iechyd a diogelwch
• Cadw cofnodion cywir o’r gwaith a gyflawnwyd ac amserlenni cynnal a chadw
• Gyrru staff i’w cyrchfannau dymunol
• Cynnal gwiriadau cyffredinol ar y cerbyd a sicrhau ei fod yn lân ac yn ddiogel bob amser

Sgiliau a Phrofiad Hanfodol:

• Sgiliau da o ran datrys problemau
• Y gallu i weithio’n annibynnol
• Dealltwriaeth o safonau iechyd a diogelwch
• Meddu ar drwydded yrru ddilys y DU, heb bwyntiau cosb

Anfonwch CV at Katie Fitzpatrick, Rheolwr Cymorth y Grŵp, drwy e-bost: Katie.Fitzpatrick@watkinpv.com